కరోనా వ్యాక్సిన్ తీసుకున్నవారు పాటించవలసిన జాగ్రత్తలు

కరోనా వ్యాక్సిన్

వ్యాక్సిన్​కు ముందు, తర్వాత చేయాల్సినవి:
1. వ్యాక్సిన్​కు ముందు మీ ఫ్యామిలీ డాక్టర్​తో మాట్లాడి ఒకవేళ మీరు మందులు వేసుకుంటే అలెర్జీ వచ్చే ప్రమాదం ఉంటే, మీ వైద్యుల సలహా మేరకు నడుచుకోండి.
2. వ్యాక్సిన్​ వేసుకునే కొద్ది గంటల ముందు తేలికపాటి భోజనం చేయండి. ఎందుకంటే, వ్యాక్సిన్​ వేసుకున్నాక కొద్ది సేపు వరకు మీరు ఏమీ తినకపోవడం మంచిది.
3. వ్యాక్సిన్​కు ముందు కొద్ది సేపు విశ్రాంతి తీసుకోండి.
4. వ్యాక్సిన్​ తీసుకోవడానికి వెళ్లే సమయంలో తేలికపాటి, సౌకర్యవంతమైన బట్టలనే ధరించండి. తద్వారా, మీ చేతి భుజానికి వ్యాక్సిన్​ షాట్​ ఇచ్చేటప్పుడు సక్రమంగా కూర్చోగలరు.
5. మీ నోరు, ముక్కును కప్పి ఉంచగలిగే సరైన మాస్క్​ను ధరించి వ్యాక్సిన్​ కేంద్రానికి వెళ్లండి. వ్యాక్సిన్​ కేంద్రంలో ఇతరుల నుండి కనీసం ఆరు అడుగుల దూరాన్ని పాటించండి.

వ్యాక్సిన్​కు ముందు, తర్వాత చేయకూడనివి:
1. వ్యాక్సిన్​తో మీకు అలర్జీ వచ్చే అవకాశం ఉందని మీ ఫ్యామిలీ డాక్టరు ధృవీకరిస్తే.. ఆ విషయాన్ని వ్యాక్సిన్​ వేసే డాక్టర్​ వద్ద అస్సలు దాచకండి.

2. వ్యాక్సిన్​ వేసే ముందు లేదా వేసిన తర్వాత ఆల్కహాల్​ లేదా ఏదైనా మత్తు పదార్థాన్ని తీసుకోవద్దు.

3. టీకా కేంద్రంలో ఉన్నప్పుడు, మీ చుట్టూ ఉన్న వస్తువులను లేదా ఇతర రోగులను తాకవద్దు. వ్యాక్సిన్​ కేంద్రంలో COVID-19- ప్రోటోకాల్‌ను పాటించండి.

4. వ్యాక్సిన్​ ద్వారా దుష్ప్రభావాలు ఉంటాయని ఇతరులు ఇచ్చే ఉచిత సలహాలను పట్టించుకోకండి. వ్యాక్సిన్​కు బదులు ఎసిటమినోఫెన్ లేదా ఇబుప్రోఫెన్ – పెయిన్ కిల్లర్స్ వంటి మెడిసిన్​ తీసుకోవచ్చని ఎవరు చెప్పినా నమ్మకండి. ఎందుకంటే, వీటి వల్ల సైడ్​ ఎఫెక్ట్స్​ వచ్చే ప్రమాదం ఉంది.

టీకా తర్వాత వచ్చే దుష్ప్రభావాలు:
టీకా తీసుకున్న తర్వాత ఇంజెక్షన్ ఇచ్చిన భాగంలో నొప్పి, వాపు, జ్వరం, చలి, అలసట, తలనొప్పి వంటి దుష్ప్రభావాలకు లోనవ్వచ్చు. అంత మాత్రాన ఎటువంటి బయపడాల్సిన అవసరం లేదు. సాధారణంగా, వ్యాక్సిన్ వేసుకున్న తర్వాత వచ్చే దుష్ప్రభావాలు- ఒకటి లేదా రెండు రోజుల కన్నా ఎక్కువగా ఉండవు. ఒకవేళ ఉంటే, మీ వైద్యుడితో మాట్లాడిచెప్పిన జాగ్రత్తలను పాటించండి.